मी ज्या गोष्टी सांगतोय त्या मला काय तुम्हाला पण नाही समजत असणार :-)
🏵एकटे आई-बाबा मेहनत करून आपल्या ३-४ मुलांना सहज सांभाळून घेतात. परंतु मोठे झाल्यावर त्या ३-४ मुलांकडून आपले वृद्ध आई-बाबा सांभाळले जात नाहीत.
🏵गल्लीतल्या बायका दुपारच्या वेळेला एकत्र जमून तासोनसात एकेमेकांना बद्दल चुगल्या लावतात, चर्चा करतात, दुसऱ्या गल्लीतल्या बायकांना नाव ठेवतात. आणि शेवटी हे सांगून उठतात की “मरू देणा, आपलयाला काय करायचं आहे??”
🏵सनी लिओनी काय करते कोण आहे ती हे सगळ्यांना माहित आहे. तिला बॉलीवूड मधली सध्याची अतिशय प्रियं आणि जास्त मानधन घेणारी अभिनेत्रीचा दर्जा दिलाय. एकीकडे एक विधवा किंवा जिच्यावर बलात्कार झालाय अशा मुलीला समाजात एक “स्त्री” म्हणून सुद्धा सम्मान नाही दिला जात.
🏵इकडे, सलमान खान काल रात्री ह्या नटीसोबत पार्टीत दिसला, सई ताम्हणकर हिची नवीन केशरचना ही आहे हे पहिल्या पानावर वृत्तपत्रात छापून येते. महाराष्ट्रात एकूण किती शेतकऱ्यांनी आत्महत्या केली ह्याची चर्चा मधल्या पानामध्ये असते ती पण ५ ओळीची फक्त.
🏵सिगरेट पिणारे एकेमेकांमध्ये स्पर्धा लावतात अरे मी एका दिवसाला १५ ओढतो, मी १८ ओढतो. मी एवढा लांब धूर सोडतो, मी एवढा वेळ धूर पकडून ठेवतो. ह्यात स्पर्धेसारख काय आहे?
🏵लोकांना शासनाची बस सेवा नकोय, शासनाने बांधलेले शौचालय नकोय, शासनाचे विद्यालय नकोय, शासनाचे वसतिगृह नकोय परंतु शासनाची नोकरी हवी आहे.
🏵स्कूटीला ब्रेंक दिलेला असतो ना मग मुली पायानेच का गाडी थांबवतात? मी तर खुपदा पाहिले आहे.
🏵मोबाईलचे रिचार्ज करतात ३९९/-, २९९/-, ४९९/- चे. परंतु बाजारात एखाद्या गरीब शेतकऱ्याणे बटाटे १५ रूपये किलो एवजी १७ रुपये किलो दिले तर त्या २ रुपयासाठी भांडतात.
🏵तलाठ्याकडे कडे काम घेऊन जा तो म्हणतो उद्या या. बँकेत एखादे काम निघाले की ते म्हणतात तिकडच्या काउंटरला जा, तिकडे गेले तर ते म्हणतात उद्या या. काम जास्त काही ३-४ तासाचे नसते बर, खरच १०-१५ मिनिटे लागणार असतात पण ते करून देत नाहीत.
🏵स्वतःच्या पक्षाचा प्रचार करतांना “आम्ही एवढे दिवस काय केलय” हे सांगण्यापेक्षा “एवढे दिवस त्या समोरच्या पार्टीने काय नाही केलय” ह्याचे जास्त पोवाडे का गातात?
🏵“कृपया इथे थुंकू नका” किंवा “कृपया इथे मूत्रविसर्जन करू नका” असे लिहेलेले असते त्यालाच लोक “तेच तेच” करून पुसून टाकतात.
🏵प्रत्येकाकडे घडयाळ असतो, नसला तरी मोबाईल असतोच वेळ दाखवायला, आणि प्रत्येक जण घाईमध्ये असतो. तरी कोणीच हव्या त्या ठिकाणी वेळेवर का पोहोचत नाही?
🏵whatsappp वर काही जण going to औरंगाबाद, feeling sad, I am sorry, maaf kar do na baba, enjoying at nashik असे स्टेटस का ठेवतात?
🏵मांसाहार करणारे पण गजब हा. काही जण फक्त रस्सा खातात, काही जण फक्त मांस, काही जण शनिवार आणि गुरुवार सोडून इतर दिवशी खातात, काही जण फक्त रविवारी खातात, काही जण नेहमी खातात पण बायकोला माहिती नाही. हे मला खरच समजत नाही?
धार्मिक स्थळ, मंदिरे, ऐतिहासिक जागेला भेट देणारे सगळे जण तिथे जाऊन त्या मंदिरांची महती जाणून न घेता, त्यांची माहिती जाणून न घेता… तिथे जाऊन १००० फोटो कडून मस्त खाल्लेला कचरा तिथेच कुठेतरी फेकून आपल्या घरी परत चालले जातात.
🏵जी भली मोठी रांग मंदिराच्या बाहेर प्रार्थनेसाठी लागलेली असते तेवढीच मोठी रांग वाचनालयाबाहेर का लागतं नाही? वाचनालय रिकामे असते.
🏵काही प्रेमी युगुल ५-६ वर्ष सोबत असतात, काही १०-११ वर्ष नात्यात असतात आणि तरी त्यांचे ब्रेअकप होतात. कस काय यार?
🏵काही तीर्थक्षेत्रात ह्या मार्गाने दर्शनाचे २०० रुपये, मागच्या मार्गाने दर्शनाचे ६०० रुपये आणि सरळ गाभाऱ्यात प्रवेशाचे १५०० रुपये का आकारले जातात.
१५०० रुपयात देव प्रकट होत असले का?
🏵गणेशोत्सवच्या वेळी आमच्या मंडळाचा गणपती उंच, आमचा गणपती जास्त महाग, आमच्याकडे आरतीला जास्त गर्दी अशी मंडळांमध्ये स्पर्धा का लागलेली असते.
देव आमचा-तुमचा असतो का? देव देखणा-कुरूप असतो का?
🏵आई-बाबा ह्यांच्यावर लिहल्या जाणाऱ्या कवितांचे गुणोत्तर ५:१ आहे. ५ आईवरील कवितांमागे १ कविता बाबांवर असते. बाबांचे गुणगान खूप कमी जण का गातात? आई सगळीकडे दिसते, बाबा तोडके मोडके दिसतात.
मानसशास्त्र * वर्तन * behavior *
